കല്യാശ്ശേരി
ഗ്രാമ പഞ്ചായത്ത്

അതിദാരിദ്ര്യ നിർമാർജനത്തിനായി കേരള സർക്കാർ ആവിഷ്‌കരിച്ച പദ്ധതിയുടെ ഭാഗമായി കല്ല്യാശ്ശേരി ഗ്രാമപഞ്ചായത്ത് വിവിധ പ്രവർത്തനങ്ങൾ നടപ്പിലാക്കി. അതിദാരിദ്ര്യ വിഭാഗത്തിൽ ഉൾപ്പെട്ട കുടുംബങ്ങളെയും വ്യക്തികളെയും കണ്ടെത്തി അവരുടെ അടിസ്ഥാന ആവശ്യങ്ങൾ നിറവേറ്റുന്നതിനും സാമൂഹികവും സാമ്പത്തികവുമായ ഉന്നമനം ഉറപ്പാക്കുന്നതിനുമായി വിവിധ ഇടപെടലുകൾ നടത്തി.

ഭവനം, ഭക്ഷണം, ആരോഗ്യപരിരക്ഷ, ഉപജീവനം, സാമൂഹിക സുരക്ഷ തുടങ്ങിയ അടിസ്ഥാന ആവശ്യങ്ങൾ ഉറപ്പാക്കുന്നതിനായി വിവിധ സർക്കാർ പദ്ധതികളുടെയും സേവനങ്ങളുടെയും പ്രയോജനം അർഹരായവർക്ക് ലഭ്യമാക്കി. ജനപ്രതിനിധികൾ, ഉദ്യോഗസ്ഥർ, കുടുംബശ്രീ പ്രവർത്തകർ, വിവിധ വകുപ്പുകൾ, സന്നദ്ധ സംഘടനകൾ, പൊതുജനങ്ങൾ എന്നിവരുടെ കൂട്ടായ പ്രവർത്തനവും ഈ പ്രവർത്തനങ്ങൾക്ക് പിന്തുണയായി.

അതിദാരിദ്ര്യ നിർമാർജന പ്രവർത്തനങ്ങൾ വിജയകരമായി പൂർത്തീകരിച്ചതിന്റെ ഭാഗമായി കല്ല്യാശ്ശേരി ഗ്രാമപഞ്ചായത്തിനെ അതിദാരിദ്ര്യമുക്ത പഞ്ചായത്തായി പ്രഖ്യാപിച്ചു.